[Bon Jour]

Зянон мае рацыю. Працытую яго:
Стан беларускай мовы цяпер горшы нават, чым быў у Савецкім Саюзе,
Тады заставаліся, аднак, вызначальныя астраўкі беларускасьці. Гэта радыё, якое было цэнтралізавана праведзена ў кожны дом і гаварыла толькі па-беларуску (акрамя ўключэньняў Масквы). Гэта Беларускае тэлебачаньне, якое ў асноўным таксама гучэла па-беларуску (дыктары, ўсе выпускі навінаў, рэпартажы і г.д., акрамя ўключэньняў Масквы). Гэта газэты на беларускай мове (большая палова раённых і чатыры абласныя газэты з шасьці выдаваліся па-беларуску; цэнтральныя газэты або дубляваліся па-беларуску і па-руску, альбо выдаваліся сымэтрычна — адны па-беларуску, другія па-руску («Чырвоная зьмена», «Знамя юности» і г.д.).
Усё гэта было ліквідавана ўжо ў незалежнай Беларусі.
Пасіўна слухаючы беларускае радыё, аглядаючы беларускае тэлебачаньне, праглядаючы час ад часу беларускія газэты, людзі, нават далёкія ад беларушчыны, нясьведама засвойвалі фрагмэнты мовы, здольныя былі яе разумець.
Нацыя была ўжо асьлеплена, але яшчэ не аглохла.