Скрыпяць мае лапці
Музыка народная
Слова народные
Аранжировка Мулявин В.
Год первого исполнения 1970
Первый солист Мулявин В.
Скрыпяць мае лапці, як іду да цебе.
А я каля цебе думаю што ў небе.
-Скажы, Ганулька, а ты праўду мне-
А ці любіш мяне, а ці не?
Скажы, Ганулька, а ты праўду мне-
А ці любіш мяне, а ці не?
Паслухай, Ганулька, а што людзі кажуць:
Нашага каханьня нічым не разьвяжуць.
Ніколі нас не змогуць сілаю,
Бо мы будзем жыці зь мілаю.
Ніколі нас не змогуць сілаю,
Бо мы будзем жыці зь мілаю.
Паслухай, Ганулька, што сава спявае.
Пэўна яна наша ўсё гора знае.
Скажы, Ганулька, а ты праўду мне-
А ці любіш мяне, а ці не?
Скажы, Ганулька, а ты праўду мне-
А ці любіш мяне, а ці не?

Ой, ляцелі гусі з броду
Музыка народная
Слова народные
Аранжировка Мулявин В.
Год первого исполнения 1977
Ой, ляцелі гусі з броду,
Скалацілі ў рэчцы воду.
(2 р.)
Пакуль вада чыста стала,
Я з Раманам пастаяла.
(2 р.)
Як стаў Раман жартаваці,
Ваду з вёдзер выліваці.
(2 р.)
Раман, Раман, Рамніку,
Пусці мяне да доміку.
(2 р.)
Я не родну маму маю,
Будзе біці - добра знаю.
(2 р.)
Не так біці, як караці
Ды шэльмаю называці.
(2 р.)
- Дзе ты, шэльма, валачылась,
Што вячора ўжо зварылась?
(2 р.)
- Цяпер, мама, прызнаюся,
Што з Раманам кахаюся.
(2 р.)
на-на-на-на-на
Ой, ляцелі гусі з броду,
Скалацілі ў рэчцы воду.
(2 р.)

Каліна
Музыка народная
Слова народные
Аранжировка Мулявин В.
Год первого исполнения 1977
Первый солист Борткевич Л.
Ажаніла маці маладога сына,
Маладой нявесткі неўзлюбіла. (2 р.)
Выправіла сына ў вяліку дарогу,
Маладу нявестку ў поле лён палоці (2 р.)
Не аполеш лёну - не ідзі дадому,
Пайдзі ў чыста поле, стань калінаю.
Не палола лёну, не пайшла дадому,
Стала ў чыстым полі ды калінаю.
Як прыехаў Ясю з вялікай дорогі,
Расказаў ён маці пра свае навіны. (2 р.)
Матуля-матуля, увесь свет вандраваў я,
А такой калінушкі ў свеце не відаў. (2 р.)
Ад буйнага ветрыку накланілася,
Ад раўнага дожджыку распусцілася.
Ой, бяры ж ты, Ясю, вострую сякеру, Пассячы ты, Ясю, тую каліну!
Секануў ён раз - аказалася,
Секануў другі раз - адазвалася. (2 р.)
Не сячы мяне, Ясю, я ж твая жана!
А нас разлучыла матуля твая... (2 р.)

Машанька
Музыка народная
Слова народные
Аранжировка Мулявин В.
Год первого исполнения 1977
Первый солист Дайнеко В.
Ой, хадзіла Машанька, ой па садочку.
О-о-ой, закалола ножаньку на вішнёчку (2 р.).
Баліць-баліць ножанька, ой ды не больна,
О-о-ой, любіў хлопец дзяўчыначку, ды не доўга (2 р.).
Забіраюць парнішачку ў салдаты,
Забылася дзяўчыначка папытаці.
Забылася дзяўчыначка ой папытаці:
Ці мне замуж выхадзіці, ой ці гуляці?
Гуляй, гуляй дзяўчыначка, ой як гуляла,
О-о-ой, тапчы, тапчы чаравічкі, як таптала (2 р.).
Не сцялі ты пасцель белу, як ты слала,
Не кажы ты хлопцам праўду, як казала.
Яны тваю пасцель белу ой параскінуць,
Яны цябе любіць будуць, ой ды пакінуць!
Ой, хадзіла Машанька, ой па садочку.
О-о-ой, закалола ножаньку на вішнёчку (2 р.).

Завушніцы
(Серёжки)
Музыка Мулявин В.
Слова Танк М.
Год первого исполнения 1973
Первый солист Мулявин В.
О, колькі раз прасіў я
Назначыць мне спатканьне,
О, колькі раз хацеў я
Прызнацца ёй у каханьні.
Ды ўсё перашкаджалі,
Калі дзяўчыне верыць,
То павадак вясновы,
То прымаразак-шэрань.
Але і я ўпарты,
І, каб свайго дабіцца,
Прасіў я шчыра майстра
Зрабіць ёй завушніцы.
На гэтых завушніцах
Я напісаў закляцьце -
Усё што не сказаў ёй,
А ў чым хацеў прызнацца.
Сягодня не ўцячэ ўжо
Ад слоў маіх гарачых,
Ні ў час калі сьмяецца,
Сьпявае, або плача.
Ні ў час, калі прыляжа,
Змарыўшыся ў зьмярканьне.
Зьвіняць ёй завушніцы
Усё пра маё каханьне.

Вераніка
Музыка Лученок И.
Слова Богданович М.
Год первого исполнения 1975
Первый солист Борткевич Л.
I зноў пабачыў я сялібы,
Дзе леты першыя прайшлi.
Там сцены мохам параслi,
Вясёлкай адлiвалi шыбы.
Усё ў пылу, i стала мне
Так сумна-сумна ў цішыне...
Я ў сад пайшоў - там глуха, дзiка,
Усё травою парасло...
Прыпеў:
Няма таго, што раньш было...
Няма таго, што раньш было,
I толькi надпiс "Веранiка"...
I толькi надпiс "Веранiка"
На лiпы ўрэзаны ў кары.
Казаў вачам аб тэй пары: -
Расці, ўзмацовывайся дрэва,
Як манумент жывы ўставай
I к небу надпiс падымай,
I к небу надпiс "Веранiка"...
Чым болей сходзiць дзён, начэй,
Тым iмя мiлае вышэй...
--вокаліз--
Чым болей сходзiць дзён, начэй,
Тым iмя мiлае вышэй…
Прыпев.
Чым болей сходзiць дзён, начэй,
Тым iмя мiлае вышэй…
Чым болей сходзiць дзён, начэй,
Тым iмя мiлае вышэй…
Чым болей сходзiць дзён, начэй,
Тым iмя мiлае вышэй…

Жураўлі на Палессе ляцяць
Музыка Лученок И.
Слова Ставер А.
Аранжировка Ткаченко В.
Год первого исполнения 1981
Первый солист Пеня И.
Каб любіць Беларусь нашу мілую
Трэба ў розных краях пабываць.
Разумею цяпер, чаму з выраю
Жураўлі на Палессе ляцяць!
Што ім тыя пагоды паўднёвыя,
Што ім пышны платанавы рай,
Калі клічуць іх далі сасновыя
І азёрны рабінавы край.
Сакавітыя пожні мурожныя
Не заменіш нічым і нідзе,
І зямлю, дзе сцяжыначка кожная
У прыветлівы дом прывядзе.
Каб любіць Беларусь нашу мілую
Трэба ў розных краях пабываць.
Зразумееш тады, чаму з выраю
Жураўлі на Палессе ляцяць!

Перапёлачка
Музыка народная
Слова народные
Аранжировка Мулявин В.
Год первого исполнения 1974
Первый солист Борткевич Л.
А у Перапёлкі ды галоўка баліць,
А у Перапёлкі ды галоўка баліць.
Ты ж мая, ты ж мая Перапёла,
Ты ж мая, ты ж мая невялічка.
А у Перапёлкі ручкі баляць,
А у Перапёлкі ды каленцы баляць.
Ты ж мая, ты ж мая Перапёлачка,
Ты ж мая, ты ж мая невялічка.
А у Перапёлкі грудцы баляць,
А што Перапёлачка рана ўстае.
Ты ж мая, ты ж мая Перапёлачка,
Ты ж мая, ты ж мая невялічка.
А у Перапёлкі ды старэнькій муж,
А у Перапёлкі деткі малыя.
Ты ж мая, ты ж мая Перапёлачка,
Ты ж мая, ты ж мая невялічка.
Ты ж мая, ты ж мая Перапёлачка,
Ты ж мая, ты ж мая невялічка.
Ты ж мая, ты ж мая Перапёлачка,
Ты ж мая, ты ж мая невялічка.
Ты ж мая, ты ж мая Перапёлачка,
Ты ж мая, ты ж мая невялічка.
Детачкі плачуць, естенькі просяць,
А у Перапёлкі хлебця няма.
Ты ж мая, ты ж мая Перапёлачка,
Ты ж мая, ты ж мая невялічка.

А ў полі бяроза...
Музыка народная
Слова народные
Аранжировка Мулявин В.
Год первого исполнения 1975
Первый солист Борткевич Л.
А ў полi бяроза,
А ў полi кудрава,
А на той бярозе
Зязюля кувала.
Ай-то не зязюля,
А то родна маці.
Яна выпраўляла
Ды сына ў салдаты.
Праходзіць гадочак,
І другі,і трэці.
А каб ведала маці,
Ці вернуцца дзеці.
А ў полi бяроза,
А ў полi кудрава,
А на той бярозе
Зязюля кувала.

Ажанілі мяне
Музыка Аверин О.
Слова народные
Год первого исполнения 1994
Первый солист Аверин (Козлович) О.
Ажанілі мяне малалетняга,
Малалетняга, малапомнага,
Бо задума бацькоў не мяняецца,
Не пыталіся, хто падабаецца.
Ой, павёз я жану прадаваці
Ды не змог за яе грошай ўзяці.
Пасадзіў ў лодку я маё горачка
Ды пусціў я яе ў сіня морачка.
Прыпеў:
Не ўмела жаці,
Ні жаць, ні праці,
Роднаму мужу
Слова сказаці.
Не ўмела жаці,
Ні жаць, ні праці,
Роднаму мужу
Слова сказаці.
Паглядзеў ёй услед, а душа баліць,
Бо як кветка яна ў лодцы той сядзіць,
Ой, вярніся, жана, ўсё дарую,
Бо цяпер не хачу я другую.
Прыпеў:
Можаш не жаці,
Ні жаць, ні праці,
За свае грошы
І ты хароша.
Можаш не жаці,
Ні жаць, ні праці,
За свае грошы
І ты хароша.
Ажанілі мяне малалетняга,
Малалетняга, малапомнага,
Адляцяць ў забыццёх, не мінуюць,
Ой, вярніся, жана, мая мілая
Прыпеў.
Ажанілі мяне малалетняга,
Малалетняга, малапомнага,
Адляцяць ў забыццёх, не мінуюць,
Ой, вярніся, жана, мая мілая

Бацькоўскі дом
Музыка Молчан О.
Слова Легчилов А.
Аранжировка Молчан О.
Год первого исполнения 1991
Первый солист Дайнеко В.
Куплет 1:
Там за чорнай мяжой,
Нас чакае святло.
Першы кроч!
Табе шанс выпадае.
А дарогі другой
Тут відаць не было.
Ну смялей,
Час ужо не чакае.
Прыпеў:
Крок, толькі крок!
І адолеешь чорную бездань.
Хай адступіць пужлівая бездань.
Ты павінен зрабіць гэты крок.
Крок, толькі крок!
І адолеешь чорную бездань.
Хай адступіць пужлівая бездань.
Ты павінен зрабіць гэты крок.
Куплет 2:
Бачыш колькі вачэй?
Цяжкі першага лес.
Услед узлез
За табою смялейшы.
Крок ад кроку лягчэй,
Бо надзею прынёс.
То праходзіў,
Над безданью першы.
Прыпеў:
Крок, толькі крок!
І адолеешь чорную бездань.
Хай адступіць пужлівая бездань.
Ты павінен зрабіць гэты крок.
Крок, толькі крок!
І адолеешь чорную бездань.
Хай адступіць пужлівая бездань.
Ты павінен зрабіць гэты крок.
Ты павінен зрабіць гэты крок.

Беларусачка
Музыка Семеняко Ю.
Слова Ставер А.
Аранжировка Паливода И.
Год первого исполнения 1977
Первый солист Мулявин В.
Я гляджу на твае косы русыя -
Не магу наглядзецца ніяк,
Беларусачка, беларусачка,
Дарагая сяброўка мая.
У краях незнаёмых, нязьведанных,
Буду ў радасьці я, ці ў журбе,
Беларусачка, беларусачка,
Не забуду ніколі цябе.
Я вярнуся к табе, сінявокая,
Калі ў кветкі адзенецца край,
Беларусачка, беларусачка,
Ты хоць зрэдку мяне ўспаминай.

Бывайце здаровы
Музыка Любан И.
Слова Русак А.
Год первого исполнения 1971
Бывайце здаровы, жывіце багата,
А мы ад'язджаем дадому, дахаты.
У зялёнай дубраве мы начаваць будзем,
Эх, вашае ласкі вавек не забудзем.
Яшчэ вам жадаем прыбытку ў хаце-
Ні мала, ні многа - штогод па дзіцяці.
Ня будзе вам крыўды яшчэ і за тое,
Калі пашанцуе - на год і па двое.
Так будзьце здаровы, жывіце багата,
А мы ад'язджаем дадому, дахаты.

Жылі-былі
Музыка Ханок Э.
Слова Пляцковский М., пер. И.Сурко
Год первого исполнения 1973
Первый солист Кашепаров А.
Прыпеў:
Жылі-былі, жылі-былі,
Мы жылі былі з табой,
І была у нас, як песня,
На дваіх адна любоў.
Не жыццё было, а казка,
Казка светлая свая,
Пажылі на гэтым свеце
Ў добры час і ты, і я.
Не за сінімі марамі,
Не на дзікім астраўку,
І не і ў горадзе дзівосным,
Не вялічкім гарадку.
Прыпеў.
Я зпісаў вагон паперы,
З думак іскры выкрасаў,
Для цябе адной, павер мне,
Верш прачулы напісаў.
Можа, выйшаў ён не складны,
Дзе ж узяць мне талент, дзе?
Але гэтыя ты словы паўтарала кожны дзень.
прыпеў.
І аднойчы ён з'явіўся.
Я самотны з той пары.
Ён кароль, ці каралевіч,
А, магчыма, нейкі прынц.
Ты пайшла яму насустрач,
Я не змог цябе спыніць...
Толькі цокалі абцасы,
Быццам сэрца ў цішыні.
Прыпеў: І растала раптам казка,
Там, дзе мы жылі з табой,
Дзе была ў нас,як песня,
На дваіх адна любоў.

Каханне
Скажи мне, Ганулька

Музыка Лученок И., Мулявин В.
Слова Колас Я.
Аранжировка Мулявин В.
Год первого исполнения 1972
Первый солист Мулявин В.
Прыпеў:

- Скажы мне, Ганулька, ці любіш мяне?
- Люблю - ты сказала, аж сэрца мне схне.
Ганулька, Ганулька, павер, зразумей,-
Я ў сьвеце ня бачыў каханьня шчырэй.
Ці помніш ты, Ганна, шчаслівы мамент,
Як граў у нас на дудцы нябожчык Вінцэнт?
А Нёман спакойна, спакойна дрыжаў,
І месячык ясны на нас паглядаў.
Прыпеў.
Драў горла ў лозах за рэчкаю грач,
І грукаў у сьцену рагамі маркач.
На жэрдзі мы селі ў змроку маўчком,
І я прытуліўся к табе плечуком.

Прыпеў.
І лапці з-за сьпіны мае ты зьняла,
Анучы ў Нёман ты мыць панясла.
Язык мне адняўся, я сьліну глытаў,
А потым нясьмела цябе запытаў:
Прыпеў.

Гусi
Музыка *Молчан О.
Слова народные
Год первого исполнения 1996
Первый солист Марусич В.
Прыляцелі гусі
З далёкага краю.
Воду замуцілі
Над ціхім Дунаю
Дамоў прыляцелі,
Ды марна прапалі.
Як мы любілі,
Цяпер перасталі.
Прыпеў:
Як мы кахалі.
Як мы кахалі.
Як мы кахалі.
Цяпер перасталі.
Як мы любілі.
Як мы любілі.
Як мы любілі.
Ці не пазабылі.
Як белыя гусі,
Пяшчоту мы неслі.
Але разышліся,
Як сцежкі ў лесе.
Прыляцелі гусі
З далёкага краю.
Я толькі любімай
Ужа не чакаю.
Прыпеў:
Як мы кахалі.
Як мы кахалі.
Як мы кахалі.
Цяпер перасталі.
Як мы любілі.
Як мы любілі.
Як мы любілі.
Ці не пазабылі.

Дзяўчына-сардэнька
Музыка народная
Слова народные
Аранжировка Мулявин В.
Год первого исполнения 1977
Первый солист Кашепаров А.
ла-ла-ла-ла
Дзяўчына-сардэнька, выйдзі пад акенка!
Прынясе хлапчына яблынька красненька. (2 р.)
Прынясе адное, прынясе другое,
Ой выйдзі, дзяўчына, ты сардэнька мое! (2 р.)
ла-ла-ла-ла
Не выйду, не выйду, бо людзей баюся (2 р.) -
Будуць гаварыці - з табою люблюся (2 р.).
Няхай пагавораць - мы іх не баімся (2 р.).
Прыйдзе та нядзеля - пачнуць станавіцца (2 р.).
ла-ла-ла-ла
Станем мы да шлюбу абое цесненька,
Няхай пагавораць людзі галасненька (2 р.).
Дзяўчына-сардэнька, выйдзі пад акенка!
Прынясе хлапчына яблынька красненька.
ла-ла-ла-ла

Людка
Музыка Мулявин В.
Слова Купала Я.
Аранжировка Паливода И.
Год первого исполнения 1982
Первый солист Кашепаров А.

Як Людкі не бачу -
Ня міла мне жыць,
І сохну, і плачу,
І сон не бяжыць.
І хатка ня міла,
Урагамі дружкі,
І сьвет як магіла
І ночкай дзянькі.
Як Людку ўглядзеў-
Забыўся на ўсё,
І плач уцёк недзе,
І раем жыццё!
Забыты ўсе болькі,
Што ходзяць за мной.
Усё хочацца толькі
Быць з Людкай-красой.
К ружовенькім шчочкам
Губамі прыльнуць,
І песьню аб Людцы
На ўвесь сьвет грымнуць!
Як Людку ўглядзеў
-Забыўся на ўсё,
І плач уцёк недзе,
І раем жыццё!

Малітва
Музыка Молчан О.
Слова Купала Я.
Год первого исполнения 1994
Первый солист Мулявин В.
Я буду маліцца і сэрцам, і думамі,
Распетаю буду маліцца душой,
Каб чорныя долі з мяцеліцаў шумамі
Ўжо больш не шалелі над роднай зямлёй.
Малюся я небу, зямлі і прастору.
Магутнаму Богу - Ўсясвету малюсь.
Ва ўсякай прыгодзе, ва ўсякую пору
За родны загон Беларусі.
Я буду маліцца да яснага сонейка:
Няшчасных зімой саграваць сірацін.
Прыветна, па збожных гуляючы гонейках
Часьцей заглядаці да цёмных хацін.
Малюся я небу, зямлі і прастору.
Магутнаму Богу ўсясвету малюсь.
Ва ўсякай прыгодзе, ва ўсякую пору
За родны народ Беларусі.
Я буду маліцца і сэрцам, і думамі,
Расьпятаю буду маліцца душой,
Каб чорныя долі з мяцеліцаў шумамі
Ня вылі над роднай зямлёй, над табой.
Малюся я небу, зямлі і прастору.
Магутнаму Богу ўся сьвету малюсь.
Ва ўсякай прыгодзе, ва ўсякую пору
За родны народ Беларусі.

Мінская зорка
Музыка Аверин О.
Слова Аверин О.
Белая Русь, маці-родная,
Белая Русь, непаўторная,
Пушчы, сады салаўіныя,
Песні гучаць пераліўныя.
Прыпеў (2 разы):
А ты, мінская зорка,
Ў небе будзеш адзінаю,
Зоркаю чароўнаю
Над каханай Радзімаю.
Край залацістымі зорамі,
Роднымі сэрцу прасторамі...
А над зямлёю празрыстае
Неба блакітнае, чыстае.
Прыпеў (2 разы):
А ты, мінская зорка,
Ў небе будзеш адзінаю,
Зоркаю чароўнаю
Над каханай Радзімаю.

На чужыне

Музыка Мулявин В.
Слова Богданович М.
Год первого исполнения 1991
Первый солист Пеня И.
Вакол мяне кветкі прыгожа красуюць.
Маркотна між іх я хаджу адзінок,
Аж бачу - мне сіняй галоўкай ківае
Наш родны, забыты ў цяні васілёк.
Прыпеў:
«Здароў будзь, зямляча!» Чуць бачны ў даліне,
Панура, нявесела шэпча ён мне:
«Ўспамянем, мой дружа, ў багатай чужыне
Аб беднай, далёкай сваёй старане».
Баларуская краіна браначка
Устань свабодны шлях сабе шукай,
Ты не згасьнеш,ясная зараначка,
Ты яшчэ асвеціш родны край.
Прыпеў.

Над калыскай
А зязюлька кукавала...
Музыка Мулявин В.
Слова Купала Я.
Год первого исполнения 1983
Первый солист Мулявин В.
Як на свет радзіўся Янка,
Як заплакаў многа-мала, -
Пела маці над калыскай,
А зязюлька кукавала:
Як падрос, падняўся Янка,
Як ганяць стаў ў поле стада, -
На жалейцы граў дзень цэлы,
А зязюлька кукавала:
Прыпеў:
Ку-ку, ку-ку, кінь дакуку!
Пасі статак! Ку-ку, ку-ку!(2 разы)
Як вялікім вырас Янка,
Як стаў сеяць шчыра, дбала, -
За сяўбою пеў аб долі,
А зязюлька кукавала.
Як ні сеяў пільна Янка, -
Ўсё чагосьці не ставала:
Янка сеяў – людзі жалі,
А зязюлька кукавала:
Прыпеў.
Як старым-старым стаў Янка,
Як пазбавіўся сілы ўдалай, -
Баіў байкі-казкі ўнукам,
А зязюлька кукавала.
Як хавалі людзі Янку, -
Галасілі многа-мала:
-А на што ж памёр ты, сейбіт!..
А зязюлька кукавала:
Прыпеў 2 разы.

Наша хата багата
Год первого исполнения 1974
Первый солист Кашепаров А.
Проша свата ў хату,
Наша хата багата.
Наша хата багата,
Гонтамі накрывана.
Бо даміна укрывана.
Вех даміны утыкана.
А наўкол газеллейка,
А ў сярэдзіне вяселейка.
Наша хата багата,
Гонтамі накрывана.
Бо даміна укрывана.
Вех даміны утыкана.
Бо даміна укрывана.
Гонтамі накрыва

Нашто бабе агарод

Музыка Туренков А..
Слова Купала Я.
Аранжировка Мулявин В.
Год первого исполнения 1972
Нашто бабе агарод, калі баба стара?
Калі бабе за 100 год -- кіпне, пэўне, зара.
Лепш аддаць бы той садок дзяўчынцы прыгожай...
Хай гусьценькі вішнячок у садку размножа.
Будзе ладна ў цяньку летам паляжаці,
З пекным хлопцам пад руку двойчы пагуляці.
Будзе вішанкі зрываць дзяўчына пасьпелы (я)
І дружочка частаваць, і туліць нясьмела.

Не гляди на меня
Не гляди на меня, не гляди.
Не чаруй меня так - наяву и во сне.
Насмехаешься ты - так уйди, не гляди.
Ты замучишь меня, станешь гибелью мне.
Взгляд лучистых очей мою душу обжёг,
Я хожу сам не свой и тоскую, любя.
То стремлюсь я к тебе, то стою, одинок,
То любимой зову, то кляну горько я.
Ты не любишь меня, тебе надо других,
Кто дукатом манит, не считает рублей.
Что же я тебе дам? - Горечь думок моих
И бедность свою - ту, что нет тяжелей.
И бедность свою - ту, что нет тяжелей.
Чем я, жалкий бедняк, за тебя заплачу?
Знаю, мало души тебе будет одной.
Ты за деньги продашься, пойдёшь к богачу
И любовницей станешь его иль женой.
Будешь весело жить, сладко есть, долго спать,
Будут шапки снимать пред тобой за версту.
Я же - буду терпеть и судьбу проклинать.
И тебя, и твою красоту
Как боюсь я тебя, не гляди на меня.
Ты теперь не моя и не будешь моей.
Не уйдёшь, так погубишь себя и меня
А обида в груди закипает сильней.

Не кляніце мяне

Музыка Явтухович Д.
Слова Купала Я.
Год первого исполнения 1987
Первый солист Мулявин В.
Не кляніце мяне,
Што так смутна пяю,
Бо і так там на дне
Душу змучыў сваю.
Цяжкіх дум, горкіх дум
Зваяваць не магу,
Людскі плач, скаргаў шум
Ловіць мысль на бягу.
Не магу маску ўздзець,
Крывіць роднай душой,
Песні весела пець,
Калі смуцен брат мой.
Калі столькі бяды,
Столькі гора і слёз
Бачу ўкруг заўсягды,
Столькі сам перанёс?
Дый не смейся ж з мяне,
Што так смутна пяю,
Бо і так там на дне
Душу змучыў сваю.
Не магу маску ўздзець,
Крывіць роднай душой,
Песні весела пець,
Калі смуцен брат мой.

Ой, дожджык ідзе
Музыка Мулявин В.
Слова народные
Год первого исполнения 1978
Ой,дожджык ідзе,раса нападзе
па зялёнай брэзіне.
Распусціў Яся сваё золата
Па маладой дзяўчыне.
Ой не жаль жа мне таго золата,
што яго я распусціў.
Дык жаль мне яе,тае дзяўчыны,
што я за людзі пусціў.
прыпеў:
Ой,няхай кажуць,няхай гавораць,
хоць па ўсенькаму свету,
я цябе любіў - любіці буду,
мой ружовенькі цвету!
Як добра было,млода дзяўчына,
мёд-гарэлачку піці.
А цяпер не хоч,маладзенькая,
са мною гаварыці.
Як добра было,млода дзяўчына,
падарункі браці.
А цяпер не хоч,маладзенькая,
са мною размаўляці.
прыпеў...

Ой, дубе мой, дубе
Музыка народная
Слова народные
Аранжировка Дайнеко В.
Год первого исполнения 1984
Ой, дубе мой,дубе,
кучаравы дубе,
ой, на табе, дубе,
два галубы гудзе.
Ой, трэця галубка,
па саду жаркоча,
любіў хлопец дзяўчыну,
а цяпер не хоча.
Сарву з таго дуба
зялёны лісточак,
накрыю лісточкам
мілага слядочак.
Каб раса не ўпала,
птушкі не брадзілі,
каб майго мілога
іншы не любілі.

Ой, ляцелі гусі з броду
Музыка народная
Слова народные
Ой, ляцелі гусі з броду,
Скалацілі ў рэчцы воду.
(2 р.)
Пакуль вада чыста стала,
Я з Раманам пастаяла.
(2 р.)
Як стаў Раман жартаваці,
Ваду з вёдзер выліваці.
(2 р.)
Раман, Раман, Рамніку,
Пусці мяне да доміку.
(2 р.)
Я не родну маму маю,
Будзе біці - добра знаю.
(2 р.)
Не так біці, як караці
Ды шэльмаю называці.
(2 р.)
- Дзе ты, шэльма, валачылась,
Што вячора ўжо зварылась?
(2 р.)
- Цяпер, мама, прызнаюся,
Што з Раманам кахаюся.
(2 р.)
на-на-на-на-на
Ой, ляцелі гусі з броду,
Скалацілі ў рэчцы воду.
(2 р.)

Ой, п&39;яны
Музыка Елисеенков О.
Слова народные
Год первого исполнения 1991
Ой, п&39;яны,
Гарэлкі напіўся
Ды сівому коніку
на грыўку зваліўся,
Ды сівому коніку
на грыўку зваліўся.
Ой, коню мой, коню,
Коню мой сівенькі,
Парай мяне коню,
Бо я маладзенькі,
Парай мяне коню,
Бо я маладзенькі.
Што ж я буду раіць?
Ты сам тое знаеш:
Не люб чужых жонак,
Бо ты сваю маеш,
Не люб чужых жонак,
Бо ты сваю маеш.

Ой, сівы конь бяжыць
Музыка народная
Слова народные
Год первого исполнения 1996
Первый солист Катиков А.

Ой сівы конь бяжыць
У яго бела грыва
Ой спанаравілась
Ой спанаравілась
Мне тая дзяўчына
Ня так та дзяўчына
Як яе лічанька
Ой падай дзяўчына
Ой падай дзяўчына
Мне белу ручаньку
Ручаньку падала
Тры словы сказала
Няхай бы я жыла
Няхай бы я жыла
Кахання не знала
Бо тое каханне
З вечара да рання
Як сонейка ўзыйдзе
Як сонейка ўзыйдзе
Каханне разыйдзе
Ой сівы конь бяжыць
У яго бела грыва
Ой спанаравілась
Ой спанаравілась
Мне тая дзяўчына

Па воду ішла
Музыка народная
Слова народные
Год первого исполнения 1978
Первый солист Дайнеко В.
Па воду ішла
Як пчолка гула
З вадою ішла - наплакалася
З вадою ішла - наплакалася.
Не плач, мілая,
Не плач, не тужы,
Каня напасу, вады прынясу
Каня напасу, вады прынясу
Пi маці ваду, з поунага вядра
Нявестку любі , бо у цябе одна.
Другая будзе така ж самая,
А трэцяя будзе яшчэгоршая.
По воду ішла,
Як пчолка гула,
З водою ішла - наплакалася,
З водою ішла - наплакалася.

Па над белым пухам вiшняў
Музыка Мулявин В.
Слова Богданович М.
Год первого исполнения 1991
Первый солист Мулявин В.
Па-над белым пухам вішняў,
Быццам сіні аганёк,
Б'ецца,ўецца шпаркі,лёгкі
Сінякрылы матылёк.
Навакол усё паветра
Ў струнах сонца залатых,-
Ён дрыжачымі крыламі
Звоніць ледзьве чутна ў іх.
І ліецца хваляй песня,-
Ціхі,ясны гімн вясне.
Ці не сэрца напявае,
Навявае яго мне?
Ці не вецер гэта звонкі
Ў тонкіх елках шапаціць?
Або мо сухі, высокі
Ля ракі чарот шуміць?
Не паняць таго ніколі,
Не разведаць,не спазнаць:
Не даюць мне думаць зыкі,
Што ляцяць,дрыжаць,звіняць.
Песня рвецца і ліецца
На раздольны,вольны свет.
Але хто яго пачуе?
Можа,толькі сам паэт.

Падаюць сняжынкі
Музыка Лученок И.
Слова Трус П.
Аранжировка Явтухович Д.
Год первого исполнения 1987
Первый солист Пеня И.
Падаюць сняжынкi дыяменты-росы,
Падаюць бялюткi за маiм акном...
Расчасалi вiшнi шоукавыя косы
I уранiлi долу снегавы вянок.
Дзесьцi у прасторы празвiнелi бомы,
Дацвiлi пялёсткi нечае тугi...
I здаецца зноуку еду я дадому
Пераведаць родных,блiзкiх,дарагiх.
Прыпеу:
Хочацца навеяць казкi-таямнiцы
Гукамi мелодый,радасцю без слоу.
I застылi сценi у маёй святлiцы,
Засынаю...снiцца роднае сяло.
Адхiнае вечар тонкiя мярэжы,
На акне альвасы дагарэлi у сне.
А у душы квяцiстасць i такая свежасць,
I з вачэй усмешкi сыплюцца на снег.
Прыпеу...
А сняжынкi сеюць кволую iмглiстасць,
Падаюць бялюткi за маiм акном,
I цвiце на вiшнях снежная урачыстасць,
Сцелецца на скронях перад раннiм сном.
Зноу зiма паслала снежныя кiлiмы,
зажурыла беллю паплавы,лугi,
I прыходзiць радасць у красе мауклiвай,
Адплываюць хвiлi смутку i тугi.
Прыпеу...

Пацалунак
Музыка Лученок И.
Слова Каризно В.
Год первого исполнения 1978
Первый солист Кашепаров А.
Ні ў цёмным садзе і ні ў чарніцах
Да вуснаў мілай не даступіцца.
То іх затуліць яна рукою,
То штосці шэпча табе такое. (2 р.)
І не пасмееш пацалавацца,
А яна будзе з цябе смяяцца.
Ну што ж, калі ўжо няма ў ная згоды,
Дык можа пойдзеш адведаць мёду?
на-на-на-на-на-на-на-на-на :)
У любай вусны пасаладзелі,
Мунутай пчолы паналяцелі.
- Ля самых вуснаў яны лятаюць!
Цалуй, міленькі, бо закусаюць!
Ля самых вуснаў яны лятаюць!
- Не бойся, міла, не закусаюць!

Беларускія песні і вершы якія ўжо ёсць а гэтай тэме... па парадку з пачатку...
Алеся
Александрына
А в поле верба
А дзе была вуціца?
А дзе тая пара?
Касіў Ясь канюшыну
Добры вечар, дзяўчыначка
Купалінка
Лявонiха
Мой родны кут
Ночка цёмная
Ой, рана на Івана
Рэчанька
Рушнiкi
Стаіць вярба
Ты мне вясною прыснілася
Ты ж мяне падманула
Хлопец пашаньку пахае
Цераз рэчаньку
Чаму ж мне ня пець
Ой, бярозы да сосны
Як я ехаў да яе
Явар і каліна

Белявая, чернявая...
Чырвоная ружа
Белая Русь ты мая
Ідзём-пайдзём вдоль вуліцы
Скрыпяць мае лапці
Ой, ляцелі гусі з броду
Каліна
Машанька
Завушніцы
Вераніка
Жураўлі на Палессе ляцяць
Перапёлачка
А ў полі бяроза...
Ажанілі мяне
Бацькоўскі дом
Беларусачка
Бывайце здаровы
Жылі-былі
Каханне Скажи мне, Ганулька
Гусi
Дзяўчына-сардэнька
Людка
Малітва
Мінская зорка
На чужыне
Над калыскай А зязюлька кукавала...
Наша хата багата
Нашто бабе агарод
Не гляди на меня
Не кляніце мяне
Ой, дожджык ідзе
Ой, дубе мой, дубе
Ой, ляцелі гусі з броду
Ой, п&39;яны
Ой, сівы конь бяжыць
Па воду ішла
Па над белым пухам вiшняў
Падаюць сняжынкі
Пацалунак

Сегодня 05:55

Вялікі дзякуй за гэтую тэму. Здароўя вам і ўсяго найлепшага. Пакуль што часу няма далучыцца і надрукаваць любімыя вершы: шмат пошукавай работы і цікавых адкрыццяў. Запрашаю на экскурсію ў Дараганаўскі краязнаўчы музей.

Александрына
Музыка Мулявин В. Слова Бровка П.
Мне не забыцца песні той даўняе вясны:
*"На мурамскай дарожцы стаялі тры сасны".
*Цяпер магу прызнацца - тады пачаў кахаць,
*Цябе з ніякай кветкай не мог я параўнаць.
*Александрына, цяпер прыйшла зіма. *
*Александрына, шукаю я - няма...
*Александрына, і з песьняй ты цьвіла.
*Александрына, якою ты была?
*Сказаць, што васілёчак, - дык фарба ў ім адна, *
*Сказаць, што ты лілея, - сьцюдзёная ж яна.
*Сказаць, што ты званочак, - ды ўсіх жа мала іх,
*Такою ты здалася ў семнаццаць год маіх.
*Александрына, цяпер прыйшла зіма. *
*Александрына, шукаю я - няма...
*Александрына, і з песьняй ты цьвіла.
*Александрына, якою ты была?

Я. Колас 'Сымон-музыка'

О край родны край прыгожы!
Мiлы кут маiх дзядоў!
Што мiлей у свеце божым,
Гэтых светлых берагоў
*Дзе бруяцца срэбрам рэчкi
Дзе браты-лясы гудуць
Нiвы гутаркi вядуць
Гэтых гмахаў безгранiчных
*Балатоў тваiх азёр
Дзе пад гоман хваль крынiчных
Думкi думае прастор
*Дзе увосень плачуць лозы
Дзе вясной лугi цвiтуць
Дзе шляхом старым бярозы
Адзначаюць гожа пуць?