Стихи и песни на белорусском языке!!!

Лявонiха

Музыка Мулявин В. Слова Богданович М.
Ой, Лявоніха, Лявоніха мая!
Спамяну цябе ласкавым словам я, -
Чорны пух тваіх загнутых брывянят,
Вочы яркія, вясёлы іх пагляд;
Спамяну тваю рухавую пастаць,
Спамяну, як ты умела цалаваць.

Ой, Лявоніха, Лявоніхамая!
Ты пяяла галасней ад салаўя,
Ты была заўсёды першай у танку -
І ў "Мяцеліцы", і ў "Юрцы", і ў "Бычку";
А калі ты жаці станеш свой загон,
Аж дзівуецца нядбайліца Лявон.

Ой, Лявоніха, Лявоніха мая!
У цябе палова вёскі - кумаўя.
Знала ты, як запрасіць, пачаставаць,
І дарэчы слова добрае сказаць,
І разважыць, і у смутку звесяліць,
А часамі - і да сэрца прытуліць.

Ой, Лявоніха, Лявоніха мая!
Дай жа бог табе даўжэйшага жыцця,
Дай на свеце сумным радасна пражыць,
Усіх вакол, як весяліла, весяліць.
Хай ніколі не забуду цябе я.
Ой, Лявоніха, Лявоніха мая!

Мой родны кут
(Мой край родной)

Музыка Лученок И. Слова Колас Я.
Мой родны кут, як ты мне мілы,
Забыць цябе не маю сілы!
Не раз, утомлены дарогай,
Жыццём вясны мае убогай,
К табе я ў думках залятаю,
І там душою спачываю (2 р.).
Вось, як цяпер, перада мною
Стае куточак той прыгожа,
Крынічкі вузенькае ложа
І елка ў пары з хваіною,
Абняўшысь цесна над вадою,
Як маладыя ў час кахання
У апошні вечар раставання.
Люблю цябе, мой бераг родны,
Дзе льецца Нёман срэбраводны,
Дубы дзе дружнай чарадою
Стаяць, як вежы, над вадою.
Мой родны кут, як ты мне мілы,
Забыць цябе не маю сілы (2 р.)!
а-а-а-а-а-а-а-а
Мой родны кут, як ты мне мілы,
Забыць цябе не маю сілы (2 р.)!

Большое спасибо Виктору Гринкевичу за эту тему,

Ночка цёмная

Музыка Аверин О.
Слова Вавилов А.
Год первого исполнения 1993
Первый солист Аверин (Козлович) О.
*
А ў небе месяц болей не свеціць,
Ой, за туманам сцежка знікае
Як вольным полем ды навакольлем
Добры малойца сум разганяе.
Ночка цёмная прыйшла -
Разбалелася душа.
А на сэрцы горыч, соль -
Толькі смутак, толькі боль.
Не захапіла, не запаліла
Сэрца каханнем юнай красуні.
Ой, не прыйшліся ёй даспадобы
Ружы, каралі ды падарункі.
Ночка цёмная прыйшла -
Разбалелася душа.
А на сэрцы горыч, соль -
Толькі смутак, толькі боль.
А ў небе месяц болей не свеціць,
Ой, за туманам сцежка знікае
Як вольным полем ды навакольлем
Добры малойца сум разганяе.

Ой, рана на Івана
Музыка народная
Слова народные
Аранжировка Мулявин В.
Год первого исполнения 1970
*
Ой рана на Йвана, Ой рана на Йвана,
Проць Івана(?) ночка мала. Ой рана на Йвана.
Ой рана на Йвана, Ой рана на Йвана,
Дзе Купала начавала? Ой рана на Йвана.
Ой рана на Йвана, Ой рана на Йвана,
Начавала ў чыстым полі. Ой рана на Йвана.
Ой рана на Йвана, Ой рана на Йвана,
Чым Купала вячэрала? Ой рана на Йвана.
Ой рана на Йвана, Ой рана на Йвана,
Вячэрала белым сырам. Ой рана на Йвана.
Ой рана на Йвана, Ой рана на Йвана,
Чым Купала запівала? Ой рана на Йвана.
Ой рана на Йвана, Ой рана на Йвана,
Запівала варэніцай. Ой рана на Йвана.

Рэчанька
Музыка народная
Слова народные
Аранжировка Мулявин В.
Год первого исполнения 1970
*
Ой, рэчанька-рэчанька,
Чаму ж ты ня поўная?
люлі-люлі-люлі,
Чаму ж ты ня поўная?
Чаму ж ты ня поўная,
З беражкоў не роўная?
люлі-люлі-люлі,
З беражкоў не роўная?
А як жа мне поўнай быць,
З беражкамі роўнай быць?
люлі-люлі-люлі,
З беражкамі роўнай быць?
Янка коніка паіў,
Лена воду чэрпала.
люлі-люлі-люлі,
Лена воду чэрпала.
люлі-люлі-люлі.

Рушнiкi

Музыка Петренко Н.
Слова Вярба В.
Год первого исполнения 1970

У суботу Янка ехаў ля ракі.
Пад вярбой Алёна мыла ручнікі.
-Пакажы Алёна броду земляку,
Дзе тут пераехаць на кані раку?
-Адчапіся, хлопец, едзь абы-куды,
Не муці мне толькі чыстае вады.
У маркоце Янка галавой панік,
Упусціла дзеўка беленькі ручнік.
-Янка, мой саколік, памажы хутчэй,
Ой, плыве-знікае ручнічок з вачэй!
-Любая Алёна, я ж вады баюсь,
Пацалуй спачатку, бо я утаплюсь.
Супыніўся гнеды пад вярбой густой,
Цалавала Янку Лена над ракой.
Стала ціха-ціха на ўсёй зямлі...
Па рацэ далёка ручнікі плылі.

Стаіць вярба
Музыка народная
Слова народные
Аранжировка Мулявин В.
Год первого исполнения 1972
*
Стаіць вярба ў канцы сяла,
На той вярбе а тры кветачкі.
Стаіць вярба ў канцы сяла,
На той вярбе а тры кветачкі.
Пад вярбою а тры дзевачкі,
Тры дзевачкі, тры малойчыкі.
Пад вярбою а тры дзевачкі,
Тры дзевачкі, тры малойчыкі.
Адзін кажа: - Я Алесю люблю.
Я з Алесяй па піва пайду. Я з Алесяй па піва пайду.
Другі кажа: - Я Арыну люблю.
А я з ёй ды на сена пайду, А я з ёй сто капіц нараблю.
Трэці кажа: - Я Аксіньню люблю,
Я з Аксіньняю жаці пайду.
Стаіць вярба ў канцы сяла,
На той вярбе а тры кветачкі.
Стаіць вярба ў канцы сяла,
На той вярбе а тры кветачкі.

Ты мне вясною прыснілася
Музыка Семеняко Ю.
Слова Шушкевич М.
Аранжировка *
Год первого исполнения 1968
Первый солист Мулявин В.
Летняя ночка купальная
Яснай растаяла знічкаю.
Падаюць зоры світальныя
Ў чыстыя воды крынічныя.
Ой ты, дзяўчыначка мілая,
Як жа ты свет упрыгожыла!
Ластаўка ты шызакрылая,-
Легкі мой сон растрывожыла.
Ты мне вясною прыснілася
Неразгаданымі чарамі,
Сэрца парыўна забілася
Лёгкімі крыламі-марами.
Пэўна цябе, ненаглядная,
Стрэў я часінай удалаю.
Ты ж мая доля спагадная,
І не шкадую німала я.

Ты ж мяне падманула
Музыка народная
Слова народные
Аранжировка Молчан О.
Год первого исполнения 1994

Ты казала ў панядзелак
Пойдзем разам з пасядзелак.
Я прыйшоў – цябе няма:
Падманула-падвяла.
Ты казала у аўторак
Пацалуеш разоў сорак.
Я прыйшоў – цябе няма:
Падманула-падвяла
Прыпеў:
Ты ж мяне падманула,
Ты ж мяне падвяла,
Ты ж мяне мала-маладога
З ума-розуму звяла.
Ты казала, што ў сярэду
Пойдзем разам на бяседу.
Я прыйшоў – цябе няма:
Падманула-падвяла
А казала, што ў чацвер
Пойдзем разам на вячэру.
Я прыйшоў – цябе няма:
Падманула-падвяла
Прыпеў.
Ты казала, што ў пятніцу
Пойдзем разам у святліцу.
Я прыйшоў – цябе няма:
Падманула-падвяла
Прыпеў.
Ты казала, што ў суботу
Пойдзем разам на работу.
Я прыйшоў – цябе няма:
Падманула-падвяла
Ты казала, што памру.
Я зрабіў табе труну.
Я прыйшоў, а ты жыва:
Падманула-падвяла
Прыпеў.

Хлопец пашаньку пахае
Музыка народная
Слова народные
Аранжировка Мулявин В.
Год первого исполнения 1974
Хлопец пашаньку пахае, ой-ёй-ёй,
Яго сошанька крывая, ой божа ж мой!
Прыйшла к яму чарнявая, ой-ёй-ёй,
Вазьмі мяне, хлопец, замуж, ой божа ж мой!
Дзеўка замуж захацела, ледзь уся не абамлела.
Дзеўка замуж захацела, ледзь уся не абамлела.
Ой божа ж мой!
Хлопец здуру ажаніўся, ой-ёй-ёй,
На век жонкай падавіўся, ой божа ж мой!
Ані лыжкі, ані міскі, ой-ёй-ёй,
Павесілі тры калыскі, ой божа ж мой!
Ля калыскі трэба нянька, а ля печы - кашаварка.
Ля калыскі трэба нянька, а ля печы - кашаварка.
Ой божа ж мой!
Даў ёй хлопец тры капеёкі, ой-ёй-ёй,
Пайдзі, купі хлеба-солі, ой божа ж мой!
Хлеба-солі не купіла, ой-ёй-ёй,
На базары заблудзіла, ой божа ж мой!
Хлопец пашаньку пахае, яго сошанька крывая.
Хлопец пашаньку пахае, яго сошанька крывая.
Ой божа ж мой!

Цераз рэчаньку
Музыка Катиков А.
Слова народные *
Год первого исполнения 1996
Первый солист Катиков А.
*
Цераз рэчаньку, цераз балота,
Падай мне ручаньку, маё золатка.
Ручкі не падам, бо душу згублю,
Не скажу праўды, каго я люблю.
Цераз рэчаньку, цераз быструю,
Падай мне ручаньку, падай другую.
Ой, знаю, знаю, каго я кахаю,
Толькі не знаю, з кім жыці маю.
Прыпеў:
Ой, там, ў саду-садочку,
Растуць розны цвяточкі.
У сад мы будзем хадзіці,
Шчыра друг дружку любіці.
Ой, ты, дзяўчына-чараўнічынка,
Ачаравала ты маё лічанька,
Ачаравала ты цела і душу,
Цяпер я да цябе хадзіці мушу.
Каб так дайшоў ты сянней дахаты,
Колькі я знаю, як чараваці.
А мае чары напагатове:
Белае лічанька, чорныя бровы.
Прыпеў.

Чаму ж мне ня пець
Музыка народная
Слова народные
Аранжировка Мулявин В.
Год первого исполнения 1969
*
Чаму ж мне не пець?
Чаму ж не гудзець,
Калі ў маёй хатачцы
Парадак ідзець?
Чаму ж мне не пець?
Чаму ж не гудзець?
Мушка на ваконцы
У цымбалкі б’ець.
Чаму ж мне не пець?
Чаму ж не гудзець?
Павучок на сценцы
Кросенцы снуець.
Чаму ж мне не пець?
Чаму ж не гудзець?
Парсючок пад лаўкай
Бульбачку грызець.
Чаму ж мне не пець?
Чаму ж не гудзець?
Сучачка на лычку
Хатку сцеражэць.
Чаму ж мне не пець?
Чаму ж не гудзець,
Калі ў маёй хатачцы
Парадак ідзець?

Ой, бярозы да сосны
Музыка Оловников В.
Слова Русак А.
Аранжировка *
Год первого исполнения 1970
Ой, бярозы да сосны, партызанскія сёстры,
Ой, шумлівы ты лес малады.
Толькі сэрцам пачую тваю песню лясную,
І успомню былыя гады.
Ды успомню пажары, ды варожыя твары,
І завеі халодных вятроў,
І слату, і нягоды, і начныя паходы,
І агні партызанскіх кастроў.
Край любімы мой, родны, ты навекі свабодны,
За цябе я на бітву хадзіў,
Каб ніколі-ніколі ты не быў у няволі,
Каб заўсёды у шчасці ты жыў.
Адышлі тыя годы, адгрымелі паходы,
Толькі пушча за полем шуміць.
Ой, бярозы да сосны, партызанскія сёстры,
Вас ніколі ў жыцці не забыць.

Як я ехаў да яе
Музыка народная
Слова народные
Аранжировка Мулявин В.
Год первого исполнения 1969
Первый солист Мулявин В.
Як я ехаў да яе -
Брычка на рэйсорах.
А прыехаў ад яе,хе-хе,
Хата на падпорах.
Як я ехаў да яе,
Тысячамі лічыў.
А прыехаў ад яе,хе-хе,
Тры грашы пазычыў.
Як я ехаў да яе,
У ботах падкаваных.
А прыехаў ад яе,хе-хе-хе,
У шапцы палатанай.
Як я ехаў да яе,
Брычка на рэйсорах,
А прыехаў ад яе,хе-хе,
Хата на падпорах.

Явар і каліна
Музыка Семеняко Ю.
Слова Купала Я.
Год первого исполнения 1978
Первый солист Борткевич Л.
Песняй вясны лебядзінаю,
Скінуўшы зімнія чары,
Шэпчуцца явар з калінаю,
У сумнай даліне над ярам. (2 р.)
Лісцікі зеленяй хваляцца
Небу панятлівай мовай:
Росамі мыюцца раніцай
Песцяцца сонцам паўднёвым. (2 р.)
Чуецца музыка дзіўная,
У ------ сонных імшарах
Цешацца явар з калінаю,
Скінуўшы зімнія чары. (2 р.)
Песняй вясны лебядзінаю,
Скінуўшы зімнія чары,
Шэпчуцца явар з калінаю,
У сумнай даліне над ярам. (2 р.)
Лісцікі зеленяй хваляцца
Небу панятлівай мовай:
Росамі мыюцца раніцай
Песцяцца сонцам паўднёвым. (2 р.)
Чуецца музыка дзіўная,
У ------ сонных імшарах
Цешацца явар з калінаю,
Скінуўшы зімнія чары. (2 р.)

Белявая, чернявая...
Музыка Аверин О.
Слова народные
Год первого исполнения 1999
А у полi тры крынiчанькi,
А у хлопца тры дзявiчанькi -
Бялявая, чарнявая,
А трэцця рыжа, кучаравая.
Ён з бялявай абдымауся,
А з чарнявай павянчауся,
А з рыжаю, кучараваю,
У чыстым полi цалавауся...
Хлопец, хлопец, не журыся,
Каго любiш? Разбярыся...
Хлопец, хлопец, не журыся,
Калi любiш, ажанiся!
Там у полi, дзе крынiчанькi,
Пасварылiсь тры дзявiчанькi-
Бялявая, чарнявая,
А трэцця рыжа, кучаравая.
Хлопец, хлопец, не журыся,
Каго любiш? Разбярыся...
Хлопец, хлопец, не журыся,
Калi любiш, ажанiся!
А у полi тры крынiчанькi,
А у хлопца тры дзявiчанькi -
Бялявая, чарнявая,
А трэцця рыжа, кучаравая...

Чырвоная ружа
Музыка Мулявин В.
Слова народные
Аранжировка Молчан О.
Год первого исполнения 1994
Первый солист Мулявин В.

Чырвоная Ружа, не стой на дорозе!
Не стой на широкой, хто йде, - той ломае.
Не стой на дорозе, Чырвоная Ружа,
Хто йде, - той ломае, хто йде, - той сшибае.
За што, за што ядкое диво? За тое, за тое, як ты красива! (2 раза)
Жанатый ломае - детям на забаву,
Халастый ломае - девкам на сподману.
Чырвоная Ружа - детям на забаву,
Чырвоная Ружа - девкам на сподману.
За што, за што ядкое диво? За тое, за тое, як ты красива! (2 раза)
Зманил хлопец девку ружовым квяточком,
Ружовым хусточком, ляновым платочком.
В чернявых чулочках маленькой дочкой,
Ой, беленьким сыном, маленьким сыном.
За што, за што ядкое диво? За тое, за тое, як ты красива! (4 раза)
Чырвоная ружа (6 раз)

Белая Русь ты мая
Музыка Мулявин В.
Слова Скоринкин В.
Год первого исполнения 1971
Первый солист Мулявин В.
Белая Русь ты мая, Белая Русь ты мая.
Белыя гоні бульбы, белыя косы дзяўчат,
Воблакаў белых над лугам вечны парад.
Белых белых грыбоў кашолкі, белыя белыя плечы бяроз,
Белыя белыя россыпы-золкі чыстых сьвітаньняў, рос.
Белая Русь ты мая, Белая Русь ты мая.
Чыстая ты мая, родная ты мая, Белая Русь ты мая.
Белых туманаў плыні, белыя вершы (?) буслоў,
Ціхая завадзь бялыныч, рык белавежскіх зуброў.
Белыя вейкі рамонкаў белых, белыя-белыя грывы завей.
Чыстыя-чыстыя душы сьмелых, простых тваіх людзей.
Белая Русь ты мая, Белая Русь ты мая.
Чыстая ты мая, родная ты мая, Белая Русь ты мая.
Белая Русь ты мая, Белая Русь ты мая.

Ідзём-пайдзём вдоль вуліцы
Музыка народная
Слова народные
Аранжировка Мулявин В.
Год первого исполнения 1971
*
Iдзём-пайдзём вдоль вулiцы,
Вдоль вулiцы ў дзяўчынскi двор,
У дзяўчынскi двор на сем вакон.
- Добрый вечар, дзяўчыначка!
Цi спiш, ляжыш, спачываеш?
Спявай, спявай!
Калi ты спiш ўстань з ложку.
Спявай, спявай!
Ўстань з ложку, абуй ножку.
Спявай, спявай!
Прычашыся гладзюсенька.
Сядзь пад вакно на ўсход сонца.
Спявайце, братцы, спявайце!
Процi вакна зялёны сад
Спявайце, братцы, спявайце!
А ў тым садзе вiнаградзе,
Спявайце, братцы, спявайце!
Кветкi цвятуць-разцвятаюць
Спявайце, братцы, спявайце!
Птушкi пяюць-разпяваюць.
Iдзём-пайдзём вдоль вулiцы,
Спявайце, братцы, спявайце!